Fara í efni  

Markaðstorg á Landsmóti hestamanna 2022

Glæsilegt markaðssvæði er hluti af því sem býr til skemmtilegan viðburð. Gestir Landsmóts segja í öllum rannsóknum sem gerðar hafa verið á mótunum, að ómissandi hluti heimsóknar á Landsmót sé að gera góð kaup á ýmiskonar varningi á meðan mótinu stendur.

Sett verður upp tjald með glæsilegu markaðssvæði í nánum tengslum við áhorfendabrekkur á milli valla. Í tjaldinu verður hefðbundið sýningarkerfi með „básum“. Áhersla verður lögð á að skapa líflega „torgstemmingu“ á svæðinu, t.d. með tónlist og kynningum og söluaðilar eru eindregið hvattir til að leggja lóð sín á þær vogarskálar. Allar hugmyndir í þessa átt eru vel þegnar.

Stærð bása verður frá fjórum til tuttugu fermetrum en einnig eru í boði stærri svæði.

Verðin eru óbreytt frá 2020. Leiga á 4 fermetrum, vikuleiga, kostar 79.600.- + vsk auka fermeter eftir það kosta 19.900.- + vsk að 20 fm2.

Verðskrá markaðstjalds 2022*.
4 - 20 fm2: 19.900 kr á fm2
20 - 60 fm2: 17.900 kr á fm2
60+ fm2: 15.900 kr á fm2
Öll verð eru fyrir utan VSK.

Landsmót 2022 hefst sunnudaginn 3. júlí og lýkur dagskrá að kvöldi 9. júlí.

Miðað er við að verslun á markaðssvæði hefjist ekki seinna en miðvikudaginn 6. júlí og gert er ráð fyrir að opnunartími sé amk frá kl 10:00-19:00 6.-9. júlí.

Með hverjum leigðum bás fylgja að lágmarki tveir vikupassar og er 50% afsláttur af vikupössum á forsöluverði umfram það eftir fm2 fjölda. 5-8 fm2 (1 auka á 50%), 8-12 fm2 (2 auka á 50%) að 5 miðum á 50% afslætti.

Innifalið í leigu er:

- Sýningarkerfi
- Merking á bás
- Rafmagn fyrir minni  tæki eins og síma eða sjónvarp (ATH: ekki fyrir kaffivélar, eða ísskápa. Fjarlægð í tengil getur verið allt að 15 metrar)
- Þráðlaust netsamband á svæðinu.

Hægt verður að kaupa auka rafmagnstengil á 16.500 kr + vsk.

Gerður verður skriflegur leigusamningur við alla söluaðila. 60% leigunnar greiðist í apríl 2022 og 40% eigi síðar en 15. júní 2022. Notað verður kerfi frá Sýningakerfi ehf. Söluaðilar geta einnig leigt hjá þeim húsgögn svo sem borð, stóla, skápa o.fl., sjá www.syning.is. Þeir sem áhuga hafa á slíku hafi samband við Sýningakerfi ehf. í síma 551 9977 eða á netfangið syning@syning.is.


Athugasemdir