Við hefjum leika 3. júlí 2022!

Landsmót hestamanna 2014 
Mynd: Páll Imsland
Landsmót hestamanna 2014
Mynd: Páll Imsland

ENGLISH

Landsmót hestamanna 2022 mun byrja á sunnudegi og formleg dagskrá enda á laugardegi 9. júlí. Það er breyting frá því sem áður hafði verið auglýst. Sunnudaginn 10. júlí munu hrossaræktendur bjóða heim og aldrei að vita nema þú getir heimsótt Landsmótssigurvegara!

Miðar sem þegar hafa verið keyptir gilda áfram. Hægt er að sækja uppfærða miða núþegar á www.tix.is.

Ef einhverjar spurningar eru þá endilega hafið samband við okkur á landsmot@landsmot.is .

Hvernig verður dagskrá mótsins byggð upp?
Mótið hefst á sunnudegi með forkeppni barna og unglinga í gæðingakeppni og kynbótadómum. Dagana þar á eftir heldur veislan áfram og nær hápunkti á fimmtudegi, föstudegi og laugardegi. 

 Verða einhverjar nýjungar?
Já, það verða sko nýjungar! Á Landsmóti hestamanna 2022 verður öllum bestu hrossum landsins boðið að taka þátt hvort sem það er í öllum flokkum gæðingakeppni eða fimmgang, fjórgang, gæðingaskeiði og slaktaumatölti í meistaraflokk. Tímagreinar í skeiði verða á sínum stað ásamt kynbótahrossum.

Af hverju endar formleg dagskrá á laugardegi?
Vegna þess að við erum að búa til skemmtilegasta Landsmót allra tíma! Við endum mótið með glæsilegustu hestum landsins og þéttsetinni brekku og endum svo á magnaðri tónlistarveislu sem nánar verður auglýst þegar nær dregur. 

Hvað gerist á sunnudeginum?
Á sunnudeginum verður engin dagskrá á Landsmótsstaðnum. Hrossaræktarbú á Suðurlandi munu bjóða heim og gætir þú því jafnvel heimsótt Landsmótssigurvegara!

Landsmót hestamanna 2022 verður mögnuð skemmtun, öll bestu hross landsins, fremstu tónlistarmenn landsins, frábær matur og hið gamalgróna "maður er manns gaman" haft að leiðarljósi.

Tryggðu þér miða strax í dag á www.landsmot.is


Athugasemdir