Gisting

Tjaldsvæði

Á mótssvæðinu verður að venju boðið upp á næg tjaldsvæði, bæði með og án rafmagns, þar sem knapar og gestir geta gist í tjöldum, fellihýsum, hjólhýsum eða húsbílum. Nánari upplýsingar varðandi bókanir fyrir tjaldstæði með rafmagni má sjá undir flipanum TJALDSVÆÐI. 

Önnur gisting

Um nokkurra mánaða skeið hefur starfsfólk Landsmóts boðið væntanlegum gestum mótsins aðstoð við leit að hentugu húsnæði til að leigja í landsmótsvikunni ásamt því að þeir sem vilja leigja frá sér heimili, sumarhús, ferðavagna eða annað, hafa verið hvattir til að hafa samband. Öll slík aðstoð fer fram í gegnum netfangið gisting@landsmot.is

Til að flýta fyrir því að allir fái húsnæði við hæfi, hefur Landsmót ákveðið að birta hér lista yfir þá aðila sem hafa boðið fram gistingu til landsmótsgesta. Húsnæðið er flokkað eftir staðsetningum. 

Við hvetjum gesti til að gera verðsamanburð og leita þar til að hentug lausn finnst og eins hvetjum við eigendur fasteigna til að leita sanngjarnra lausna varðandi verð. Við höfum þegar sent þeim sem vilja leigja frá sér rými tillögu að viðmiðunarverði pr. mann pr. nótt, en auðvitað er öllum frjálst að semja um það verð sem þau vilja semja um. Landsmót tekur enga ábyrgð á leiguviðskiptum, við erum eingöngu að liðka fyrir með upplýsingamiðlun.

Á eftirfarandi vefsíðum er einnig hægt að leita eftir ýmsum gistimöguleikum. 

VISITSKAGAFJORDUR.is

 bOOKING.com

AIRBNB.com

gisting@landsmot.is

Gestum og heimamönnum er velkomið að hafa samband við starfsfólk Landsmóts með því að senda póst á gisting@landsmot.is.

Þar mun starfsfólk reyna eftir bestu getu að tengja saman heimamenn sem hafa áhuga á að leigja gestum herbergi / hús / hýsi eða annað.