Fréttir

66 Norður og Landsmót hestamanna hafa undirritað samning um að 66N verði einn af helstu styrktaraðilum Landsmóts á Hólum sumarið 2026. 66N verður með veglegan bás í markaðstjaldinu á Hólum auk þess sem starfsfólk Landsmóts verður í fatnaði frá 66N.

Fyrstu drög að dagskrá Landsmót hestamanna sem mun fara fram á Hólum sumarið 2026 hafa verið birt á vef mótsins, landsmot.is. Mótið mun hefjast sunnudaginn 5.júlí á forkeppni í barnaflokki á gæðingavelli og á kynbótavellinum byrja 4ra vetra hryssur. Mótinu lýkur svo laugardagskvöldið 11. júlí með pompi og prakt.

Miðaverð Landsmóts hestamanna 2026 hefur nú verið birt hér á heimasíðu mótsins.

Stærsti viðburður Íslandshestamennskunnar verður í beinni útsendingu á EiðfaxaTV

Hestamannafélagið Skagfirðingur sem heldur Landsmót hestamanna á Hólum næstkomandi sumar stóð fyrir kynningarfundi í félagsheimili sínu, Tjarnarbæ, í vikunni þar sem farið var yfir skipulag mótsins og undirbúning þess. Þá er miðasala á Landsmót í fullum gangi á landsmot.is og rétt að vekja athygli á forsölutilboði sem er í gildi nú til áramóta, en miði á Landsmót er upplögð jólagjöf fyrir hestafólk þetta árið!