Gisting

Tjaldsvæði

Á mótssvæðinu verður að venju boðið upp á næg tjaldsvæði, bæði með og án rafmagns, þar sem knapar og gestir geta gist í tjöldum, fellihýsum, hjólhýsum eða húsbílum. Nánari upplýsingar varðandi bókanir fyrir tjaldstæði með rafmagni má sjá undir flipanum TJALDSVÆÐI. 
ATH! Tjaldstæði með rafmagni eru uppseld. Það verður hinsvegar nóg af almennum tjaldstæðum, án rafmagns, sem fylgja frítt með aðgöngumiða að mótinu. 

Önnur gisting

Um nokkurra mánaða skeið hefur starfsfólk Landsmóts boðið væntanlegum gestum mótsins aðstoð við leit að hentugu húsnæði til að leigja í landsmótsvikunni ásamt því að þeir sem vilja leigja frá sér heimili, sumarhús, ferðavagna eða annað, hafa verið hvattir til að hafa samband. Nú hefur verið lokað fyrir móttöku á fleiri húsnæðum til leigu þar sem framboð er nóg eins og stendur. Til að flýta enn meir fyrir samskiptum leigusala og tilvonandi leiguaðila hefur verið sett á laggirnar Facebook síða, sem heitir Landsmót hestamanna 2026 - gistimöguleikar; https://www.facebook.com/profile.php?id=61591643903239. Hér er leigusölum og áhugasömum leigjendum frjálst að setja inn beiðnir og auglýsingar. 

Við hvetjum gesti til að gera verðsamanburð og leita þar til að hentug lausn finnst og eins hvetjum við eigendur fasteigna til að leita sanngjarnra lausna varðandi verð. Við höfum þegar sent þeim sem vilja leigja frá sér rými tillögu að viðmiðunarverði pr. mann pr. nótt, en auðvitað er öllum frjálst að semja um það verð sem þau vilja semja um.

Við ítrekum að Landsmót tekur enga ábyrgð á leiguviðskiptum, við erum eingöngu að liðka fyrir með upplýsingamiðlun.

Hér má sjá uppfærðan lista af húsnæði til leigu, uppfært 28.júní. 

Á eftirfarandi vefsíðum er einnig hægt að leita eftir ýmsum gistimöguleikum. 

VISITSKAGAFJORDUR.is

 bOOKING.com

AIRBNB.com

gisting@landsmot.is

Gestum og heimamönnum er velkomið að hafa samband við starfsfólk Landsmóts með því að senda póst á gisting@landsmot.is.

Þar mun starfsfólk reyna eftir bestu getu að tengja saman heimamenn sem hafa áhuga á að leigja gestum herbergi / hús / hýsi eða annað.