Fréttir

Pensill frá Hvolsvelli og Elvar Þormarsson sigra B-úrslitin í B-flokki með einkunnina 9,014. Þeir mæta því í A-úrslitin í B-flokki á morgun, sunnudaginn 7.júlí. Ljósmynd @Jón Björnsson.

Matthías Sigurðsson og Tumi frá Jarðbrú sigruðu B-úrslit í Ungmennaflokki með einkunnina 9,088. Þeir mæta því til leiks í A-úrslit í Ungmennaflokki á sunnudaginn. Innilega til hamingju!

Frábærar sýningar ræktunarbúa! Það voru frábærar sýningar ræktunarbúa sem sáust hér á aðalvellinum í gærkvöldi en samtals 12 ræktunarbú komu fram. Samhliða sýningu ræktunarbúa fór fram símakosning þar sem áhorfendur höfðu kost á að kjósa sitt ræktunarbú áfram og gefa því kost á að koma aftur fram á laugardagskvöldinu.

Svandís Aitken Sævarsdóttir sigraði B-úrslit í Unglingaflokki á Fjöður frá Hrísakoti með einkunnina 8,88. Þær stöllur mæta því til leiks á sunnudaginn í A-úrslit. Innilega til hamingju!

B-úrslit í tölti fór fram í kvöld í blíðskaparveðri. Það var svo Gústaf Ásgeir Hinriksson sem stóð efstur á Össu frá Miðhúsum með einkunnina 8,61 en Flosi Ólafsson á Röðli frá Haukagili Hvítársíðu veitti þeim harða keppni og hlaut 8,56 í einkunn. Gústaf og Assa mæta því til leiks í A-úrslitum sem fara fram á morgun, laugardag, kl.21:10.

Konráð Valur Sveinsson er sigurvegari í 150m skeiði á Kjarki frá Árbæjarhjáleigu á tímanum 13,75 sek. Konráð Valur er því tvöfaldur Landsmótssigurvegari á Landsmóti Hestamanna 2024. Annar varð Þórarinn Ragnarsson á Bínu frá Vatnsholti á tímanum 14,19 sek og þriðji var Daníel Gunnarsson á Skálmöld frá Torfunesi á tímanum 14,21 sek.