Hesthús

Hesthúspláss á Landsmóti hestamanna 2026

Hesthúspláss á Hólum

Landsmót hefur nú sent öllum formönnum hestamannafélaganna bréf varðandi skipulag hesthúsamála á mótssvæðinu á Hólum.  Í bréfinu kemur fram að dagplássum í hesthúsinu Brúnastöðum verði úthlutað til hestamannafélaganna eftir fjölda félagsmanna sem hvert félag hefur rétt á að senda á landsmót.

Í bréfinu er tekið dæmi:

• Hestamannafélagið Skagfirðingur hefur rétt á að senda 7 fulltrúa í hvern flokk. Skagfirðingur fær því 7 stíur á Brúnastöðum sem verða merktar hestamannafélaginu. Í sjálfu sér má hestamannafélagið deila sínum stíum eins og það vill en við hugsum þetta svona:
• Keppendur í barnaflokki, sem keppa á sunnudagsmorgni, geta komið með sína hesta að kvöldi laugardagsins 4.júlí, geymt hestinn yfir nóttina, keppt um morguninn og farið svo af mótssvæðinu með hestinn svo næsti hestur, keppandi í unglingaflokki sem er seinna um daginn, geti nýtt stíuna.

Það verður á ábyrgð hvers hestamannafélags að hagræða sínum stíum, eins og það telur best, sem það fær úthlutað. 

Reikna má með að þetta fyrirkomulag verði á meðan forkeppnin á sér stað en eftir hana má vænta annars skipulags þar sem rýmkar töluvert í hesthúsunum eftir forkeppni, sú útfærsla verður kynnt formönnum félaganna þegar nær dregur. 

Hesthúsapláss utan mótssvæðis

Lagt er til að allir hestar séu með hesthúsapláss utan mótssvæðis. Skipuleggjendur Landsmóts hafa tekið saman lista yfir þau hesthúsapláss í Skagafirði sem skagfirskir hestamenn hyggjast bjóða keppendum án endurgjalds. 

Margir eru nú þegar búnir að finna sér pláss en ef einhver er í vandræðum má senda okkur tölvupóst á ingunn@landsmot.is og reynt verður eftir bestu getu að aðstoða.  

Með kærri kveðju, 

Hesthúsnefnd