Markaðstorg

Glæsilegt markaðssvæði er hluti af því sem býr til skemmtilegan viðburð. Gestir Landsmóts segja í öllum rannsóknum sem gerðar hafa verið á mótunum, að ómissandi hluti heimsóknar á Landsmót sé að gera góð kaup á ýmiskonar varningi á meðan mótinu stendur. 

Stefnt er að staðsetja tjald með glæsilegu markaðssvæði í nánum tengslum við áhorfendabrekku við aðalvöll. Í tjaldinu verður hefðbundið sýningarkerfi með „básum“. Áhersla verður lögð á að skapa líflega „torgstemmingu“ á svæðinu, t.d. með tónlist og kynningum og söluaðilar eru eindregið hvattir til að leggja lóð sín á þær vogarskálar. Allar hugmyndir í þessa átt eru vel þegnar.

Stærð bása verður frá fjórum til tuttugu fermetrum en einnig eru í boði stærri svæði.

Leiguverð er eftirfarandi:

• 4 - 20 fermetrar: kr. 19.900. pr. fermetra án vsk.
• 20 – 60 fermetrar: kr. 17.900. pr. fermetra án vsk.
• 60+ fermetrar: kr. 16.500. pr. fermetra án vsk.

Innifalið í leigu er:

• Sýningarkerfi 
• Merking á bás
• Rafmagn fyrir minni  tæki eins og síma eða sjónvarp (ATH: ekki fyrir kaffivélar, eða ísskápa. Fjarlægð í tengil getur verið allt að 15 metrar)
• Netsamband á svæðinu 

Hægt verður að kaupa auka rafmagnstengil á kr. 16.500 án vsk. 

Gerður verður skriflegur leigusamningur við alla söluaðila. 60% leigunnar greiðist við undirritun samnings og 40% eigi síðar en 15. júlí.  Notað verður kerfi frá Sýningakerfi ehf. Söluaðilar geta einnig leigt hjá þeim húsgögn svo sem borð, stóla, skápa o.fl., sjá www.syning.is. Þeir sem áhuga hafa á slíku hafi samband við Sýningakerfi ehf. í síma 551 9977 eða á netfangið syning@syning.is.

Til að tryggja sér svæði þarf að senda tölvupóst á netfangið eirikur@landsmot.is þar sem fram kemur stærð svæðis sem óskað er eftir og hverskonar vörur/þjónustu ætlunin er að selja, nafn og kennitala leigjanda (greiðanda) og nafn, símanúmer og netfang tengiliðs, auk upplýsinga um raforkuþörf.