Þátttökuréttur

Síðasti skráningardagur keppenda á landsmót 2026 verður 22. júní 2026!

Gæðingakeppnin

Fjöldi skráðra félagsmanna í hverju hestamannafélagi fyrir sig segir til um þann fjölda hrossa sem öðlast þátttökurétt í gæðingakeppni á Landmóti. Til viðbótar þeim hestum sem vinna sér þátttökurétt á Landsmóti í öllum flokkum í gegnum úrtökur hestamannafélaganna, fá efstu 6 hestar á stöðulistum sem ekki komust inn í gegnum úrtökur hjá sínum félögum, þátttökurétt á Landsmóti. Sjá nánar grein 6. 6. Val hrossa og keppenda á Landsmót í lögum og reglum LH.

Dæmi:

• Hestamannafélag með 1-125 félaga á félagaskrá öðlast rétt til að senda eitt hross í hvern keppnisflokk; þ.e. A og B flokk, barna-, unglinga- og ungmennaflokk.
• Hestamannafélög með 126-250 skráða félaga: 2 hross í hverjum flokki.
• Hestamannafélög með 251-375 skráða félaga: 3 hross í hverjum flokki, o.s.frv. 

Fjöldi keppenda í hvern gæðingaflokk frá félögum LH:

Miðað var við fjölda skráðra iðkenda á félagaskrá hestamannafélaga 15. apríl 2026.

Tölt og skeið

Þátttökuréttur í tölti, flugskeiði og kappreiðum ræðst af stöðulistum löglegra móta sem lokið er fyrir 22. júní 2026. Hestar sem taka þátt í gæðingakeppni hafa einnig rétt á að taka þátt í tölt- og skeiðgreinum mótsins séu þeir inni á stöðulistum.

Hver knapi ber ábyrgð á sinni skráningu út frá stöðulista sem birtur verður á heimasíðu Landsmóts og öllum helstu vefmiðlum. Knapar eru beðnir um að fylgjast vel með og bregðast skjótt við skráningu. Hver knapi ber ábyrgð á því að skráningargjöld séu greidd og mikilvægt er að senda kvittun á hilda@landsmot.is svo skráningin sé gild. Skráningargjaldið er kr. 16.500.

• 30 hæstu einkunnir í tölti T1
• 20 bestu tímarnir í 100m skeiði P2
• 14 bestu tímarnir í 150m skeiði P3
• 14 bestu tímarnir í 250m skeiði P1