Mikilvægir punktar

Hér má sjá nokkur atriði frá yfirdómara sem gott er að hafa í huga fyrir keppni í gæðingakeppni á Landsmóti 2026. Þetta er lifandi skjal og mögulega bætast fleiri atriði við. 

• Stökk í barnaflokki verður sýnt í plúsátt, þ.e. þegar riðið er upp á vinstri hönd þá er sýnt stökk á langhliðinni við stóru brekkuna þar sem þjóðfánaranir eru og þegar riðið er upp á hægri hönd þá er sýnt stökk á hinni langhliðinni við skeiðbrautina.
• Hinsvegar ef allir knapar í barnaflokki í sama holli eru sammála því að sýna stökk á langhliðinni við stóru brekkuna þegar riðið er uppá hægri hönd þá er það einnig leyfilegt. Foreldrar og forráðamenn þurfa að vera sammála um það áður en keppni í barnaflokki hefst og senda tilkynningu um það til yfirdómara fyrir kl. 20:30 laugardaginn 4. júlí á larusha@simnet.is og í síma 898 0548. Það er á ábyrgð foreldra/forráðamanna að koma sér saman um hvar skal sýna stökk á langhlið þegar knapar ríða upp á hægri hönd.
• Pískur í ungmennaflokki, A og B flokki er ekki leyfður á upphitunarsvæði.
• Aðeins knapar mega vera í söfnunarhring.
• Mikilvægt að knapar kynni sér reglur um fótabúnað og járningar.
• Yfirdómari, dómarar og fótaskoðunarmenn geta óskað sérstaklega eftir því að knapi mæti í fótaskoðun þrátt fyrir að hann sé ekki í úrtaki.
• Yfirdómari og dómarar geta farið fram á læknisskoðun hests.
• Riðið er inn á keppnisvöllinn beint af upphitunarvelli, ferjuleið inn á skammhlið keppnisvallar.
• Riðið er út af keppnisvellinum á langhliðinni.
• Yfirdómari mun bjóða upp á viðtalstíma fyrir keppendur að loknum knapafundi.
• Yfirdómari gæðingakeppninnar er Lárus Ástmar Hannesson.

Minnum á að það er á ábyrgð keppenda að kynna sér lög og reglur sem í gildi eru hverju sinni.

Smellið hér til að skoða listi yfir leyfilegan beislabúnað!