Ræktunarbú

Sýningar ræktunarbúa skipa heiðurssess á landsmótum hestamanna og á LM2026 verður engin breyting þar á. Tilhögun sýninga verður með svipuðu sniði og verið hefur á undanförnum mótum, þ.e. að þátttaka verði miðuð við 10 ræktunarbú, auk tveggja boðsbúa þiggi þau boðið. Ketilsstaðir/Syðri-Gegnishólar hlaut viðurkenninguna ræktunarbú ársins 2025 og er þeim boðin þátttaka auk keppnishestabús ársins sem var Strandarhöfuð. Ræktunarbúin eru á dagskrá mótsins fimmtudagskvöldið 9. júlí og mun áhorfendum verða boðið að velja bestu ræktunarbússýninguna.

Það ræktunarbú sem sigrar á fimmtudagskvöldi ávinnur sér þann heiður að koma fram á föstudagskvöldinu í skemmtidagskrá kvöldvöku. Sýningartími á hvert bú er 5 mínútur. Útfærsla sýningar er alfarið á ábyrgð forráðamanna. Fótaskoðun verður viðhöfð og gilda reglur gæðingakeppni þar um, auk allra viðmiðana mótsins um heilbrigði og dýravelferð. Að lágmarki skulu 5 hross sýnd og þurfa þau að vera frá sama lögbýli, eða fædd meðlimum sömu fjölskyldu.

Þátttakendur velja tónlist sjálfir, skila inn texta og öðrum upplýsingum vegna sýningarrinnar og hafa samráð við þul hvernig búið skuli kynnt. Sýnendum býðst að nota risaskjá til kynningar á búinu á meðan sýningu stendur og einnig að senda inn efni á vef landsmóts.

Mikilvæg atriði varðandi ræktunarbússýningar:

• Sýningartími á hvert bú er 5 mínútur.
• Útfærsla sýningar er alfarið á ábyrgð forráðamanna.
• Fóta- og útbúnaðarskoðun verður viðhöfð auk þeirra viðmiðana um heilbrigði sem mótsstjórn LM setur.
• Að lágmarki skulu 5 hross sýnd og þurfa þau að vera frá sama lögbýli, eða fædd meðlimum sömu fjölskyldu.
• Þátttakendur velja tónlist sjálfir og senda inn texta til þula varðandi kynningu á búinu.
• Á stjórskjá og LED birtast auglýsingar frá búinu á meðan sýningu stendur.

Þátttökugjaldið er kr. 220.000.

Þeir hrossaræktendur sem hafa áhuga á að koma fram með sinn hóp eru beðnir að senda inn umsókn um slíkt og athugið að gefa upplýsingar um hvaða hross er stefnt með á sýninguna.

Umsóknarfrestur er til 15. júní.

Umsóknir skulu sendar á netfangið hilda@landsmot.is