Allar íþróttagreinar á Landsmóti 2024

Á Landsmóti verður keppt í öllum íþróttagreinum í meistaraflokki. Venju samkvæmt eru krýndir Landsmótssigurvegarar í tölti T1 og kappreiðaskeiði (100m, 150m og 250m). Aðrar greinar verða sýningargreinar og eru þær fjórgangur V1, fimmgangur F1, slaktaumatölt T2 og gæðingaskeið. Riðin verður hefðbundin forkeppni og A-úrslit.  

Mótshaldarar setja eftirfarandi skilyrði við þátttöku í sýningargreinum mótsins:

• 20 efstu knapar á stöðulista, 18 ára og eldri, öðlast þátttökurétt.
• Þátttökuréttur miðast við stöðulista þann 17. júní
• Heimsmeistarar öðlast sjálfkrafa þátttökurétt.

Meðfylgjandi eru fjöldi þátttakenda í hverri grein

• 30 knapar í tölti T1
• 20 knapar í 100m skeiði P2
• 14 knapar í 150m skeiði P3
• 14 knapar í 250m skeiði P1
• 20 knapar í gæðingaskeiði PP1
• 20 knapar í fjórgangi V1
• 20 knapar í fimmgangi F1
• 20 knapar í slaktaumatölti T2