Metfjöldi þátttakenda í gæðingakeppni LM2026

LH hefur tekið út félagafjölda hvers hestamannafélags og koma niðurstöður fram í töflunni hér fyrir neðan, og þá jafnframt hversu marga keppendur hvert félag hefur rétt á að senda í hvern flokk gæðingakeppninnar á landsmótinu að Hólum í sumar.

Fjöldi þátttakenda í gæðingakeppni á landsmóti fer eftir fjölda félaga í aðildarfélögum LH hverju sinni. Hvert hestamannafélag fær eitt sæti í hverjum flokki fyrir hverja byrjaða 125 félagsmenn. Í ár getur fjöldinn orðið 133 keppendur í hverjum flokki en að auki fá efstu 6 hestar á stöðulistum sem ekki komust inn í gegnum úrtökur hjá sínum félögum, þátttökurétt á mótinu.